Da-y voz a Asturies :: Unidá Nacionalista Asturiana (UNA)

Solidariedá con UNA

Solidariedá con Unidá Nacionalista Asturiana

Les persones firmantes d’esti testu, quemos espresar la nuestra solidariedá con Unidá Nacionalista Asturiana (UNA) , depués de qu’esta organización recibiera una campaña brutal orientada al so desprestixu y a la so criminalización. Poro facemos público énte la sociedá asturiana les consideraciones que vienen darréu:

1. Denunciamos la campaña que, raspiando l’esperpentu, intenta criminalizar al nacionalismu asturianu al traviés de les pergraves acusaciones contra la candidatura d’Unidá Nacionalista Asturiana.
2. Calificamos de difamatoria y d’auténtica “Caza de bruxes” la campaña entamada por dalgunos medios de comunicación de la derecha española, intentando venceyar la candidatura d’UNA con intereses ayenos a la realidá asturiana.
3. Espresamos la nuestra refuga a la Llei de partíos que, dende la más absoluta arbitrariedá, da pie situaciones como la mencionada.
4. Sofitamos cualquier acción llegal que, dende UNA, se lleve alantre contra los medios que espardieron, ensin base nenguna, difamaciones que dañaron o pudieron dañar la imaxe pública de les persones que conformen la candidatura d’UNA.
5. Afitamos polo tanto qu’UNA ye una organización política asturiana, que tien un ámbitu d’actuación esclusivamente asturianu.

My Fieldset

1. Your Name(obligatoriu)
2. Email(email correctu)
3. Website
4. Message

 

cforms contact form by delicious:days