June 7th, 2009 | actualidá
Si nel to colexu electoral nun hai papeletes d’UNA, si nun tán nun sitiu afayadizu o si tán cubiertes por papeletes d’otros partíos pues dirixite al presidente de mesa. Tamién pues llamanos, 655 098 779, y facémoslo nós a traviés de los nuesos apoderaos electorales.
Nesti mesmu teléfonu puedes comunicanos güei cualisquier incidencia que te paeza importante.
June 5th, 2009 | actualidá
Unidá Nacionalista Asturiana (UNA) alerta sobre los atentaos de la empresa contra’l mediu ambiente y asoleya la sanción polos vertidos impuesta tres d’una denuncia d’Unidá Nacionalista Asturiana
Tres d’una denuncia fecha’l pasáu mes d’abril por Unidá Nacionalista Asturiana (UNA) la compañía ArcelorMittal foi sancionada por facer vertíos con 150.000 euros y la obligación d’indemnizar polos daños al Dominiu Públicu Hidráulicu con más de 7.000 euros. (more…)
June 4th, 2009 | actualidá
El vienres 5 de xunu Unidá Nacionalista Asturiana (UNA) celebra’l so actu de fin de campaña nel Hotel Asturias en Xixón (Plaza Mayor).
A les 20:00 celebraráse un actu políticu abiertu al públicu cola intervención de Daniel Fernández y otros candidatos y candidates.
A les 21:00 fadráse una espicha pa la que fai falta acutar sitiu. Pue facese llamando al 639529441 o nes señes d’email contacta@unida.as
June 2nd, 2009 | actualidá
Esti domingu atrás, tanto’l Sporting como l’Uviéu xugaron dos importantes partíos, esti domingu que vien n’UNA queremos que xuegues nel nuestru equipu.
June 2nd, 2009 | actualidá
Santiago Artime, conceyal d’Unidá Nacionalista Asturiana (UNA) nel Ayuntamientu Carreño, dexa’l primer planu na representación pública d’esta federación. Nel plenu del mes de xunu la representación d’UNA na Casa Conceyu va pasar a manes de Xuan Rodríguez, músicu candasín y miembru históricu de la izquierda nacionaliega en Carreño.
Esti cambiu de representantes públicos entra dientro de les decisiones que se tomaren va dos años dientro de la normalidá na rotación nos cargos públicos que defende UNA, y que permite a esta organización desenvolver un trabayu continuu nel tiempu aprovechando la experiencia de les persones que vinieron ocupando cargos institucionales, y que nos capacita pa l’aspiración de gobernar.
N’Unidá Nacionalista Asturiana entendemos la política de forma mui diferente a como la ven y la entienden los partíos políticos al usu, que s’aferren al sillón como si-yos fuera la vida nello, y consideren el cargu como dalgo que-yos correspuende en propiedá. La visión de la política de los y les militantes d’UNA ye bien diferente. Vémoslo como un serviciu a los vecinos y vecines, y onde les decisiones, postures y alcuerdos políticos son asamblearies, onde los representantes públicos cumplen col so mandáu llegal.
Esta renuncia al cargu por parte de Santiago Artime, en nengún momentu significa una desvinculación de la vida política y de l’actividá del partíu, ye un simple y cenciellu relevu que-y va permitir volcar el so trabayu n’estayes menos visibles pero igual de necesaries n’UNA, ayudando y asistiendo al nuevu cargu públicu, y trabayando dende la esquierda ecoloxista y nacionaliega en beneficiu de Carreño, d’Asturies y de los sos ciudadanos y ciudadanes.
Esti relevu nun significa tampoco nengún cambéu nel desenvolvimientu políticu d’UNA, que va seguir a disposición de los vecinos y vecines, asociaciones y restu de representates públicos nel conceyu, tal y como lleva faciendo esta organización dende hai 6 años, queremos aprovechar esta oportunidá pa ratificar publicamente tolos compromisos, alcuerdos y postures manteníos hasta agora.
Nel actu del relevu qu’amuesa la semeya, y que s’escenificó nel Mitín en Candás el pasáu domingu, Xuan y Santi aprovecharon pa pidir a los ciudadanos y ciudadanes de carreño el votu pa UNA nes Europees.
June 1st, 2009 | actualidá
Daniel Fernández Blanco alvierte de la discriminación, inseguranza xurídica ya indefensión na que s’alcuentren los falantes d’asturianu / UNA presentará un recursu esta mesma tarde col que va tratar que se caltenga’l derechu d’usar l’asturianu a quien decida facelo
La pasada selmana Unidá Nacionalista Asturiana (UNA) presentó énte la Xunta Electoral Central – l’organismu competente nes eleiciones europees- un modelu de papeleta electoral d’esta formación (disponible pa los medios que la soliciten) billingüe, igual que el que s’usa nel restu de les comunidaes con llingua propia, na que figuraba’l testu en castellanu y n’asturianu.
Con esta iniciativa dende UNA pretendíase ufiertar un modelo válidu de papeleta a tolos asturianos y asturianes que quixeren exercer el so derechu al votu utilizando la nuesa llingua y pretendíase (nel momentu de la so validación) unviala a tolos votantes que a traviés de la web www.unida.as la solicitaren pa votar asina a UNA n’asturianu. Ye importante recordar que al haber nestes eleiciones circunscripción única, pue votase a UNA non solo n’Asturies sinon en cualquier colexu electoral del estáu.
June 1st, 2009 | Actos, actualidá
Entramos na cabera selmana de campaña depués d’un domingu nel que l’actu central foi el mitín electoral en Candás. Nelli Daniel Fernández Blanco y Yolanda González Huergo tuvieron acompañaos de Xuan Rodríguez nuevu conceyal d’UNA en Carreño que-y garra’l testigu a Santiago Artime, que foi conceyal durante los últimos 6 años.
UNA en Twitter UNA na prensa
