Sancionen a ArcelorMittal con 150.000 euros tres una d’una denuncia de UNA por contaminación

June 5th, 2009 // actualidá

Unidá Nacionalista Asturiana (UNA) alerta sobre los atentaos de la empresa contra’l mediu ambiente y asoleya la sanción polos vertidos impuesta tres d’una denuncia d’Unidá Nacionalista Asturiana

Tres d’una denuncia fecha’l pasáu mes d’abril por Unidá Nacionalista Asturiana (UNA) la compañía ArcelorMittal foi sancionada por facer vertíos con 150.000 euros y la obligación d’indemnizar polos daños al Dominiu Públicu Hidráulicu con más de 7.000 euros.

Los vertíos denunciaos fixéronse’l pasáu mes d’abril agües arriba del “Hospitalillo”, nel colector 41, xusto embaxo de la Ponte Azul, au vierte la planta de llaminación de Arcelor, amás d’otres industries del polígonu de la ría.

Arcelor atropa más de 20 vertíos asemeyaos nel últimu mediu año polo que dende Unidá Nacionalista Asturiana (UNA) desíxese a la empresa que cumpla coles sos obligaciones y a les instituciones pertinentes que vixilen con lupa les sos actividaes imponiendo-y sanciones exemplares.

UNA recuerda que falamos d’unes agües nes que les alministraciones imvirtieron 162 millones de euros en llimpiales y rescampla qu’una formación ensin grandes recursos nin medios ye la que tien qu’entamar aiciones, cuando les alministraciones, el gobiernu y la oposición enllenen la boca con discursos sobre sostenibilidá y mediu ambiente pero nun actúen énte casos tan graves con rapidez y dilixencia.