|
Martes, 19 de Xineru de 2010 08:19 |
 Yolanda González camiéntase que tanto PSOE como PP utilicen estes bufonaes pa tapecer la so falta d'iniciatives.
Yolanda González, portavoz d'Unidá Nacionalista Asturiana en Xixón, esixó en nome de la organización respetu a los ciudadanos de Xixón al igual que'l fin de les bufonaes nos plenos, que cuida sobre manera graves nun tiempu de crisis como esto.
Pa UNA, tanto les declaraciones de Faustino García como l'abandonu del Pleno per parte de los conceyales del PP na intervención d'ésti "constitúin una total y absoluta falta de respetu a los ciudadanos de Xixón” que per otra parte cabe achacar “a la falta d'iniciatives per parte del PSOE y PP” declaró Yolanda González.
Yolanda González refugó como impropies d'un responsable políticu y d'especialmente desafortunaes les declaraciones de Faustino García, que “como siempre van más orientaes a faltar a la oposición que a esplicar l'acción del gobiernu” y consideró infantil l'actitú del PP por “abandonar un Plenu por unes declaraciones inoportunes, pero renembrando que munchos responsables del PP fixeren declaraciones d'esi tonu y peores” colo qu'achacamos l'abandonu “a la falta de lideramientu d'una oposición qu'énte la falta d'alternatives pa la ciudá, busca esta triba d'espectáculos pa llograr notoriedá pública”.
Dende UNA esiximos nuevamente “respetu pa los ciudadanos y les instituciones democrátiques y que s'utilicen los plenos pa debatir los problemes de la ciudá, non pa escenificar espectáculos penosos y que nun van ayudar a naide a salir de la crisis nin a suavizar los sos efectos” concluyó Yolanda Gonzalez. |
