|
Llunes, 01 de Febreru de 2010 12:24 |
 UNA-Uviéu quier denunciar que'l modelu d'agora de papeleres asitiaes pela ciudá nun se correspuende col adecuáu pa una ciudá de polítiques que quieren alentar al reciclax pente los ciudadanos, pues estes nun tienen la separtación afayadiza pa qu'aquelles persones qu'asina lo quieran puean clasificar la basoria que tiren na papelera según la triba.
UNA-Uviéu solicita al Conceyu d'Uviéu que s'esfuercie pol cambéu escalonáu de les papeleres pol d'un modelu que favoreza la posibilidá del reciclax de la basoria, pues si bien supón un gastu a curtiu plazu, esto sedrá repuesto a mediu y llargu plazu al esparder l'actividá pro-reciclax, qu'axixa un consumu sustentable y un aforru interesante. |
